data-recovery-iamkakati

“Ctrl + A and Shift + Delete” ohh shit sara data to delete ho gaya saath me wo files bhi delete ho gai jo mere liye important thi ab?

Kya aapke saath bhi kabhi esa hua he ki aapne galti se apne pc se saara data delete kar dia ho or fir aapko yaad aata he ki un sabhi files ke saath aapne apni kuch important files, photos, videos ya fir kuch or cheeze delete kar di ho or aap ye nahi jaante ki un sabhi deleted files ko waapis kese laaya jaaye to ghabraane ki koi baat nahi he aaj ke is article me mai aapko bataunga ki computer se deleted hue files ko recover kese kare.

Wese to computer se agar koi cheez delete ho jaaye to wo recycle bin me chali jaati he par agar aapne recyclebin se bhi wo files delete kar di ya fir aapne “Ctrl + A” kar ke sabkuch select kar liya or “Shift + Delete” kar dia to is case me sabhi files recycle bin se bhi delete ho jaati he.

To is case me aap kya karenge?

Kaam Ki Baate

Computer se permanently deleted data kese recover kare?

Is article ko pardne ke baad or solution jaan lene ke baad aap bhi kahenge ki ye to bahut hi easy tha, aapko bas mere bataaye hue steps follow karna he or bas aapka data palak-jhapakte recover ho jaayega.

Step 1:

Sabse pehale to aapko ek software download karna he jiska naam he “Recuva“, fir uske baad use install kar lena he.

ALSO READ:  SMS bhej kar sune kisi ki bhi baate

Step 2:

Install karte waqt aapke saamne kuch points aayenge select karne ke liye, unme se aapko sirf “all files” select karna he or agar aapko sirf kuch selected files select karne he jese ki “Pictures”, “Music”, “Documents”, “Videos”, “Compressed files” ya fir “Emails” to aap wo koi bhi particular options select kar sakte he.

Computer se permanently deleted data kese recover kare.- iamkakati

Step 3:

Ab aapko file location select karna he ki aapko wo “Recovered” data recover karne ke baad kaha pe rakhna he.

Computer se permanently deleted data kese recover kare.- iamkakati

Step 4:

Agar aapke data ko delete hue kafi time ho gaya he to aap “Enable Deep Scan” pe mark kar sakte he or agar delete hue data ko kam time hua he to aap sirf “Start” pe click kar de.

Computer se permanently deleted data kese recover kare.- iamkakati

Step 5:

Ab bas aapko thora wait karna he or thori der me hi software aapko deleted data report dikha degi or aapke saamne un sabhi deleted items ki detail list aa jaayegi or aapko jo item “recover” karna he use select karna he or “Recover” pe click kar de.

Computer se permanently deleted data kese recover kare.- iamkakati

Ab bas aapko thora wait karna he or aapka data “Recover” hoke apke select kie hue folder me aa jaayega.

Computer se permanently deleted data kese recover kare.- iamkakati

To friends is tarhaa se aapka jitna bhi data he wo recover ho jaayega bas aapko karna kuch nahi he sirf ye software download karna he jiska naam he “Recuva” or mere bataye hue steps ko follow karne he or aapko koi paresaani nahi aaayegi.

Umeed he Friends aapko meri ye article pasand aai hogi. Agar aapko in future koi bhi dikkat aaye is software se related to aap niche comment box me kabhi bhi apni problem muj se share kar sakte he me aapko aapke problems ka answer dene ka poora prayaas karunga.

ALSO READ:  Full form of all technical words of our daily life

-Post written by:
Sanjay Kakati

LEAVE A REPLY

Please enter your comment!
Please enter your name here